صحيت بدري 10 دقايق قولت اجاوب سؤالين ع الصبح كدة..السؤال التاني لاندش ..يارب صبررررررررررررني وقدررني اكممل للاخر
2. المدرسه والى بيحصل ف المدرسه حكيلنا اى موقف مقلب ف مدرسين هروب م الحصص سرقه ساندوتشات صحابك يعنى اى اعمال شغب احكيلنا وسررررررررك ف بير
بصو بقا.. ابتدائي واعدادي كنت تلميذ شبه مثالي .. يعني الاول علي المدرسة دايما مفيش غير هي مرة واحدة او اتنين اللي طلعت فيهم التاني علي مدارس المنطقة.. وكنت مؤدب كدة وعسول والبناتيتت ومش عفريت ولا شقي خااااالص
ثانوي بقا ماكونتش شقي اوي بس كان الطبيعي هو عدم الاستمرار ف المدرسة يعني لازم هروب وماكنش دا بيعتبر خروج عن اطار النظام العام لان كان دا الطبيعي ف المدرسة .. بس هي الفكرة الخاصة بيا انى كنت بهرب امتى و ازاااااااااااااااااااى؟
عمتى كانت هي امينة المكتبة بتاعة المدرسة وكانت مدرستنا بتدخل مسابقات علي مستوي الجمهورية وانا ايامها خطي كان حلو يعني ف كنت دايما بروح انشطة مكتبية يعنيييييي... اول ما اصحي الصبح الساعة 7 ونص كدة اروح ع المكتبة واكتب ورقة " السيد مدرس الفصل .. برجاء التكرم بالموافقة علي ان الطالب ........ موجود بالمكتبة وذلك لاشتراك المكتبة في مسابقة .." واختمها بختم المكتبة ...واسيبها ف الفصل علشان متكتبش غياب من الاساس .. وبعدين بقا اخرج (لانى كنت مصااااحب المدرسين اللي علي البوابة او ممكن اهرب من علي السور واروح سينما او ارجع اذاكر