اكيد معظمكم داخل يقرا الموضوع وهو بيسال نفسة
البت دى كاتبة اية؟؟؟ دى اكيد عميلة
لا والله ياجماعة ........ بس فعلا الحكومة بتعرف ربنا
وبتحاول جاهدة انها دايما تفكركوا بية !!!
زعلتوا منى اكتر وهاتقولوا البت دى مجنونة طب تعالوا اقولكم الدليل"
اولا ساعة ازمة العيش مش كنتم بتروحوا تقفوا فى الطابور بالساعات
عشان تشتروا 5 ارغفة!!! صح ؟
وبعد ماتاخدوا العيش وتروحوا تلاقوه استغفر الله العظيم لازق فى بعضة
وفية بعض اجزاء حشرات صح؟
ساعتها بتقولوا اية؟؟؟؟؟؟؟؟؟ (يا حول الله يارب) مش كدة فكرتكوا بربنا؟؟
وكمان لما بتقفوا فى الطابور بالساعات مش دة يعتبر جهاد فى سبيل لقمة العيش؟
وعلى كل ثانية تقفوها بتاخدوا حسنات والحسنة بعشرة امثالها
وعشان كدة بتوقفكوا بالساعات عشان حسناتكم تكتر والحمد لله
ولما بتطلعوا من الطابور باقل الخسائر يعنى من غير ضرب او شتيمة
او على الاقل منغير زغد ؛مش بتقولوا( الحمد لله) مش كدة فكرتكوا بربنا؟؟
تعالوا لموضوع الموصلات اللى بتتحرق باللى فيها ولا اللى بتتقلب
هو مش الناس دى بتموت شهدا ؟؟؟؟ بعنى بيروحوا الجنة
ولما حد يشوف الحاجات دى بيقول( لا اله الا الله )
يعنى الحكومة مش بتفكر شعب مصر بس بربنا دي بتفكر العالم كله بربنا .............. استنوا لسة
لما بتزود مرتبتكوا انهاردة وتلهفها تانى يوم اضعاف الاضعاف
ودة طبعا لانها عارفة ان كتر الفلوس بيبوظ وهى مش عوزاكم تبوظوا
فهى بتحاول تقوم سلوكياتكم وتمنع عنكم الفساد اللى ممكن تعملوه بالفلوس دى
وساعت لما الحاجة سعرها بيزيد مش بتقولوا (والله الواحد مش عارف هو عايش ازاى؟ ربنا ستااااااااااااااااار) مش كدةالحكومة بتفكركوا بربنا ؟؟؟؟
عرفتوا بقى ان انتوا ظالمينها؟؟؟؟
بس خلاص
و ادعولي محدش يقبض عليا
ومتنسوش الردود لو سمحتو بلاش احباط
ولا هاتبقوا انتو والحكومة عليا