السلام عليكم ورحمة الله وبركاته اختبارات تحليل الشخصية من حاجات كتير غريبة عجيبة مريبة ... كل يوم العلما اياهم بيكشفوا عن نظرية جديدة... النظرية بتاعتنا النهاردة عن اكتشاف صفاتك وشخصيتك من خلال الالوان والموضوع موجه بالأخص للبنات يمكن علشان اهتمامهم بالألوان أكتر من الشباب شوية.
لو بتحبى اللون الأحمر تبقى متحكمة ومسيطرة على الناس اللى حواليكى ... انتى قوية وشجاعة
وجريئة بس خيالك مع نفسه شوية!
أما اللى بتحب اللون البرتقالى بتكون هادية وعاقلة ورزينة و عندها طموح فى الحياة ونفسها تحقق
ذاتها00 كمان اللى بيحبوا البرتقالى تلاقى عندهم كرامة وحساسين أوى وعندهم كبرياء كمان بس
أقل حاجة تزعلهم!
لو بتحبى اللون الاصفر تبقى تلقائية ونشيطة بس معدل الغيرة عالى شوية وكمان فى شوية حسد
جواكى ... اللون الأصفر هو لون الاذكياء والأشخاص اللى بيحبوه عندهم خجل شديد وبيحبوا
يساعدوا الناس من قلوبهم!
اللون الاخضر لون التملك لو بتحبيه تبقى مسيطرة وبتحبى تتملكى كل حاجة حواليكى ..ميزتك انك عاطفية وطبيعية مش متكلفة بس دايما بتحبى تبقى مركز اهتمام الناس !
أصحاب اللون الأزرق عندهم صفاء روحى ونفوسهم صادقة جدا وحساسة وقريبة من الناس.. لو
بتحبى اللون الازرق تبقى بتفتشى عن السعادة فى أى حاجة بتشوفيها!
أما لو كنتى بتحبى اللون البنفسجى تبقى عظيمة وشخصيتك صعبة شوية ومثالية يمكن زيادة عن
اللازم.. بس دايما مبتكرة وفنانة ومحتاجة تعيدى تفكيرك فى حاجات كتيرة !
اللون البنى هو لون القوة واللى بتحبه تبقى شخصية حازمة وقوية وعندها ذوق خاص جدا بيها بس
مشكلتها انها بخيلة شوية!
أصحاب اللون الابيض عندهم عمق ودايما فكرهم واضح ومثقفين ولو بتحبيه تبقى حبوبة جدا
وبتعشقى بجنون وكمان حياتك مرتبة وبتكرهى السذاجة والمظاهر البراقة!
اللون الاسود هو لون الإرادة صاحبة اللون ده بتحافظ على التقاليد وارادتها قوية وبتفهم الناس
بسرعة لكنها غامضة شويتين!
منقول من مجلة حريتى
ها يابناتيت كل واحدة تيجى تقول ايه اللون اللى بتحبه
انا لونى المفضل هو الأزرق
يلا مستنية مشاركتو يابناتييييت علشان تقولو لونكو المفضل ايه