أولا أحب اشكرك على الموضوع الرائع :

ثانيا : فيه أنواع اكتر من كدا بكتير أقول لحضرتك

أنا مثلا بحب دلوقتى وهى قدرت تغير فيا تغير جذرى :
كمثال :

غيرت خط التلفون / وده علشان ابعد عن كل شيئ كان ليا بيه ماضي هو مش بنات وكدا بس أصحاب جامدين شويه فاااااااااااهم .

الحمد الله بطلت سجاير بالرغم من أنى كنت بتعالج من الادمان هى طلعت أقوى من كل المستشفيات وبطلتنى حتى السجاير .

بقيت بصلي والحمد الله الفرض بفرضو .

بعدت عن كل أصحابي غيرتهم وفعلا كان عندها حق ده مش ضعف منى بس مش عيب ان حد يدلنا عن الصح ولا نمشي مع اصحاب يا أبرة يا تجارة سلاح فاهمنى .

خلتنى رجعت اتمرن تانى بعد ما كنت مبطل لعب بقالى 4 سنين والحمد الله بدأت ارجع تانى زى الاول .

نستنى الماضي بتاريخة بمعانيه لو واحده غيرها هتقول ايه كل الصفات دى استحاله اخد البنى ادم ده .

من الاخر خلتنى بنى ادم جديد من الشيطان للملاك .

واحده زى دى المفروض أعملها تمثال وفعلا أنا ما بتمناش دلوقتى من الدنيا انى أعيش علشان أسعدها ربنا ما يحرمنى منها .

ده اقدر اقولك انه انضف انواع الحب

شكرا ليك واسف للاطاله .