| التسجيل | التعليمـــات | قائمة الأعضاء | التقويم | البحث | مشاركات اليوم | اجعل كافة الأقسام مقروءة |
| ||||||||
| ||||||||
| |||||||
| الإبلاغ عن روابط لا تعمل أضغـط هنــا |
 |
| | LinkBack | أدوات الموضوع | إبحث في الموضوع | انواع عرض الموضوع |
06-18-2008, 01:07 AM
| رقم المشاركة : [22 (permalink)] |
| مدير عام    |  فطلبت إيميلها من المشرف قالي ممنوع! حاولت ان أقنعه وقلتله ياعم يرضيك يرضيك مافيش فايدة!!! طبعا مفيش فايدة هو منتدى سايب ول سايب اى عضو عايز يتسنكح مش عندنا وبالنسبة لانه يستنى نص ساع تكتب قمر مش عندنا احنا مش شغلين غير العاب اصلا هههههههههههههه thanks sad girl |
| | |
|  |
|
06-22-2008, 05:23 AM
| رقم المشاركة : [25 (permalink)] |
| عضو فعال  | الحلقة الرابعة بعد شهرين من المقابلة الأولى وبعد الظهر بقليل فتحت الأم باب الشقة وهي تحمل العديد من الأشياء بمجرد أن فتحت الأم الباب واصطدمت بعفاف التي كانت تجري نحوها ووقعت بعض الأكياس من يديها مما أثار حنقها على عفاف الأم:مش تحاسبي يا بنت إنتي؟! انتي عميتي؟! عفاف(في فرحة وإرتباك): أنا آسفة يا ماما أصلي مستنياكِ بقالي كتير!انتي أتأخرتي قوي كده ليه؟! الأم(وهي تضع بقية الأشياء على الأرض برفق):لا إتأخرت ولا حاجة يا دوبك اتسوقت وجيت النهاردة الإثنين والدنيا زحمة زي ما إنتي عارفة وبعدين إنتي مستنياني ليه؟!مالك اومال؟! عفاف(بفرح): عندي خبر حلو الأم:بجد يابت؟ طب ما تنطقي مستنية إيه؟! عفاف:أصل الأخ حاتم بعتلي إيميل من شوية الأم:الأخ حاتم مين؟! عفاف:حاتم يا ماما الي اتقدملي من شهرين وانتوا رفضتوه عشان كان جاي لوحده! الأم:آآه الواد ده بتاع الكبوورر والكولوبيا؟! هو لسه عايش؟!!! عفاف:كبوورر إيه بس يا ماما ولوبية إيه؟! قلتلك 100 مرة اسمه كمبيوتر واسمها تكنولوجيا! الأم:ولو فضلتي تنطقيها 100 مرة كمان مش هقولها إلا كده عاجبك يا بنت العنتبلي ولا مش عاجبك؟! عفاف:طيب يا ماما خلاص انطقيها زي ما تحبي! الأم:المهم قوليلي الواد ده عاوز إيه ؟ عفاف:بيقول إنه عاوز معاد تاني! الأم:لا تاني ولا تالت هو إيه؟! فاكر نفسه كان جاي كشف وعاوز ييجي إستشارة؟! عفاف(ضاحكة):لأ يا ماما طبعاً هو احنا عيادة خاصة؟! هو عاوز معاد عشان يتقدملي تاني!! الأم:يابنتي يتقدملك تاني بأمارة إيه؟! هو الجدع ده ما عندوش دم؟!!!! مش سبق ورفضناه عاوز ييجي تاني ليه؟! عفاف:انتوا رفضتوه عشان كان جاي لوحده والمرة دي قالي إنه هييجي هو وأهله! الأم:بجد يا عفاف؟ يعني المرة دي هيجيب أبوه وأمه معاه؟ عفاف:أيوة يا ماما هو قالي كده هو أخيراً أقنع والده ووالدته بالموضوع وعاوز ييجي يتقدملي وهما معاه عشان كده طلب مني تحديد ميعاد الأم:يبقى كده بقى الواد جاد في الجوازة دي وشكلك يابت عجبتيه ووقع على بوزه! عفاف(بخجل):وبعدين يا ماما بقى خلينا في المهم! الأم(بتريقة): وبعدين يا ماما بقى خلينا في المهم!! المهم؟! وأنا مالي ياختي أبوكي هو الي يقولك المهم! اتصلي بيه قوليله وافق وافق ماوافقشي يبقى انسي الموضوع ده! عفاف: ماهو البركة فيكي بقى يا ست الكل إنتي الي تتصلي بيه وتقوليله بطريقة مقبولة كده عشان يوافق! هو لسة خارج من شوية زمانه وصل المحل ومش عاوزه نستناه لما ييجي بالليل لأن زي ما إنتي عارفة بييجي هلكان وعاوز ينام ومش عنده إستعداد لإنه يسمع أي حاجة من أي حد! الأم:بس أنا ورايا طبيخ ومسح وكنس قاطعتها عفاف قائلة عفاف:يا ماما مش وقته الطبيخ والمسح! كلميه ده كلها دقايق! الأم: طيب يا بنت العنتبلي!هاتيلي الموبايل واطلبيلي النمرة! عفاف(في سرور): حالاً يا ماما يتبع .. في الحلقة القادمة |
| | |
| |
|
06-26-2008, 04:15 PM
| رقم المشاركة : [30 (permalink)] |
| عضو فعال | الحلقة الخامسة رن موبايل المعلم حلاوة العنتبلي في محله واشتغلت موسيقى أغنية " بحبك يا حمار!" واشتغل الهزاز مداعباً جيب العنتبلي فأخذ الموبايل بسرعة وفتح بدون أن ينظر للنمرة كعادته! المعلم عنتبلي (بصوت غليظ): ألووووو! الأم:أيوة يا معلِّم انت وصلت ولا لسه؟! العنتبلي:خير يا ولية؟ أنا لسه واصل أهو! الأم:طب أنا عايزاك ضروري دلوقتي! العتبلي: نعم ياختي؟! إنتي مجنونة ولا بتستهبلي؟! الأم:يا راجل قوم دة موضوع مهم العنتبلي:بالليل لما أرجع عشان في عِجْل هستلمه كمان شوية! الأم:يعني هو العِجْل أهم مني؟! العنتبلي(ضاحكاً): أكيد طبعاً! عشان العِجّل هيجيب لي فلوس أما إنتي فبتاخدي فلوس عمَّال على بطَّال! الأم:يا راجل بطَّل طولة لسان في الموبايلات! استلم العجل بتاعك ده وتعالى بسرعة عشان في موضوع مهم وفي خبر حلو! العنتبلي:حاضر! ولو إني مش مصدق حكاية الخبر الحلو ده! الأم:لما تيجي هتصدق! ما تتأخرشي! أنهت الأم المكالمة وإلتفتت لعفاف وهي تقول الأم:خلاص! هيستلم عِجّل كمان شوية وييجي! عفاف:طب ليه بس ياماما قلتيله ييجي؟! أنا كنت عاوزاكِ بس تمهديله عشان لما ييجي بالليل نكلمه الأم:مالكيش دعوة انتي دة أبوكِ وأنا عارفاه كويس! تعالي نطبخ الأكل علشان لما ييجي نكلمه وهو بياكل فيوافق على أي حاجة أقولها له! عفاف(بخبث):ياسلام يا ماما على تخطيطاتك الإستراتيجية الفعًّالة! الأم(مبتسمة):إمال انتي فاكرة إيه يابت؟! دة أنا أحسن من حسني مبارك ذات نفسه! المهم بس ربنا يهدي أبوكِ ويوافق على إلي اسمه حاتم دة وأشوفك عروسة في الكوشة! ياسلااام! ده يوم المنى يابنت! عفاف: إن شاء الله يا ماما! الأم:طب يلا اسبقيني عالمطبخ! الى اللقاء مع الحلقة القادمة
التعديل الأخير تم بواسطة SaD GIRL ; 06-26-2008 الساعة 04:25 PM.
|
| | |
|
| |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| انواع عرض الموضوع | |
|
|
العرض العادي
