|
|---|
|
| الإبلاغ عن روابط لا تعمل أضغـط هنــا |
 |
| | LinkBack | أدوات الموضوع | طرق مشاهدة الموضوع |
05-19-2008, 09:33 PM
| #1 (permalink) |
| مشرف قسم الاغانى الاجنبة   |  تعلم كيف ترد على خاطره        انا قولت اجيب الموضوع دا عشان اللى عايز يتعلم ازاى يرد على خاطره..يستفاد من الموضوع  دا واحد كان كاتب خاطره واللى بين الاقواس هى الردود عليها يلا بقى اسيبكوا تتعلموا  لقد جفت اقلامي ( عادي نشتري لك واحد جديد ) وتكسرت مجاديفي ( حاول تعوم او خليك في القارب لحد مايجيلك حد يساعدك) سابقى هنا حتى مغيب الشمس ( يابنى روح بيتكم احسن ) لن ادع الاحزان تأخذني (وهى عايزة ايه منك علشان تاخدك) لقد ابحرت وعبرت المحيطات بدون قارب ( بلاش كذب.. لا ناقص كمان تقول انك عبرتها سباحة وعلى ظهرك ) لقد جمعت آهات الحزن وحنين الالم (ايه رايك لو تجمع طوابع البريد احسن لك) هكذا الدنيا تدور وتدور ( عارفين ان الدنيا تدور من غيرك.. ماجبتش حاجة جديده ) فذاك المكان كنت اجلس واتامل اوراق الخريف ( الناس غدو ناس وانت قاعد تتأمل) نظرت لها وهي تسقط وتتناثر ( مش فكرت تجمعها زى ماجمعت آهات الحزن وحنين الالم) اني اسمع تكسرات عظامي ( اكيد مش بتشرب حليب.. دمرك الكولا والبيبسي ) ان عظامي تتكسر ووتهشم ( اكيد عندك صداع في العضلات ) انظر هناك خلف الافق ( نظرنا ايه فيه؟؟ ) هناك حيث الامل وحيث الحياة (لوحدهم؟ ماحدش معاهم ) انظر الى تلك الفراشة اليافعة النحيلة الهزيلة وهي تطير ( فكرتها بتعوم) سوف اعلن للعالم (اعلن بس بلاش تزعق الله يخليك ) سوف اعلن للعالم ان الابداع قد مات ( مات!!!) سوف اعلن ان هناك من يقتل الابداع ( لو انت الابداع فقتلك حلال ) سوف اقف امام كل الاعداء (الله يقويك انت اوقف واحنا معاك ) سوف اوقف زحف الاقلام التي تحارب قلمي ( ماشى ياعم روبن هوود ) من قال ان الابداع مات (أنت قلت من شويه ولا غيرت رائيك ) سوف اريهم من انا ( مش سهل انت صح؟ ) انا القلم الذي اكتب بلى خوف ( ياراجل... دا ايه القوة دى ) انا القلم الحر (ليه كنت مسجون ) سوف اكتب في كل مكان (الله يخليك الا الجدارن لا تكتب عليها ) اما زالت اقلامي جافة؟؟ (تخيل خنقتنا انت وقلمك خدلك قلم رصاص وريحنا ) هل مازلت تايه في معمة الايام؟؟ (الي يسأل ما يتوهش؟ ) سوف احقق كل اهدافي (بس حاسب لا تطلع تسلل ) ماقد بنيته بالامس لان اهدمية اليوم (البلدية الي راح تهدمة ..في حد يبيني كشك فى وسط الشارع ) انا كنت ولا زلت وسوف ابقى (دا درس في النحو؟ ) وسوف تبقى ابداعاتي تدوم وتدوم وتدوم (قاعد تعمل دعاية لصابون فيري ) نحن لا نفهم (تكلم عن نفسك يابو الشباب بلاش تعمم ) الى متى ونحن هكذا (لحد ما يفرجها ربنا ) كل المواضيع التي لاتحمل معنى فهي ليست ابداع (متأكد!!! ) نعم متأكد بس من قال لك هذا؟؟؟ (انت عمال ترغى من الصبح ودلوقتى تقول من قال لك هذا) من قال ان الكلام الذي بلى معنى ليس ابداع (يوووه والله انت الي قلت) كنت امزح ( ياراجل) دعنا نكمل كل الايام متشابه ولكن تختلف في الاسماء (كلام صحيح) كذلك السنين متشابه (بس السنين مالها اسماء يعني قلنا كلامك صحيح وصدقت نفسك) كذلك الوجوه متشابه (يمكن في الصين تتشابه بس هنا تختلف) كذلك الامكان متشابه (على فكره كترت من كلمة متشابه حاول تغير الموضوع) لو كنت اقف بجانب هذا الزمان الصعيب لكنت شبيه له من كثر احزاني (خليك ولا تتحرك بخدلك مع الزمان صورة ) يالي بين الاقواس اهجد وخلينا نوصل المعنى للاخوة الاعضاء بدون تريقة.اوكي (اوكي) عندما تاتي بكل الحب وتقدمه للاخرين ثم تنصدم (اكيد كنت ماشى بسرعه وقاطع اشارة ) وقتها تعرف ان الحب بين الناس قد ضاع (عايز حد يدور معاك؟) هل هذا الزمان هو زمان الحب؟ ( لا حول ولا قوة الا بالله ) هل هناك شي اسمه حب (يابو الشباب انت عايز ايه؟؟) لقد تشربت عروقي من اليأس والاحزان وبدات مدامعي تنهمر مثل الامطار (ارحمنا يارب) بعد هذا الجهد والعناء سوف اقف على قدم وساق (هاتطول وانت واقف) سوف اقف وابتسم في وجه الايام الحزينة (مابقتش حزينة الا منك) واقول لها (بتقول لها بشويش ولا بتصرخ) لا بشويش سوف اقول لهذة الايام الحزينة ارحلي (طيب حجزت لها اوكي ولا عايز تخليها انتظار) حجزت لها اوكي سوف ادعها ترحل وسوف ابقى انا هنا سوف انتظر احزان الاخرين لاخبرهم كيف يرحلو عنها نحن نهرب من قسوة الايام وجور الزمان ولكن لم نفكر يوم ان نعلن للحزن والأهات بأننا اقويا كم تجرحت مشاعرنا من اناس نحبهم لاننا حساسون وطيبون او لننا غير مرغوبين لديهم ولكن لم نفكر في يوم ان نبادلهم بنفس الشعور من القسوة هذه الايام تجري ونحن فيها نبحر بلى وجه ولا اتجاه الى اين نحن متجهون ؟؟ واذا وصلنا لما نريد هل سوف نرضى ام سوف نفكر ان نعود؟؟ واذا كنا غير راضينا عن حياتنا فمالذي سوف يرضينا؟؟ في احد مش راضي عن حياته؟؟ في احد يشكي من الاحزان؟؟ في احد كثرت عليه الهموم؟؟ في احد عايز حاجه من البقالة؟؟ في احد فيكم نفسه يحدفني بالكيبورد؟؟ في احد حاس انه مضيع وقته يقرا هذا الموضوع ؟؟  
|
| المشاهدات:130* مشاركات:0  |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
العرض العادي
