| التسجيل | التعليمات | قائمه الاعضاء | التقويم | البحث | مشاركات اليوم | اجعل كافة المشاركات مقروءة |
| ||||||||
| ||||||||
| |||||||
| الإبلاغ عن روابط لا تعمل أضغـط هنــا | لكى تصبح مشرفا فى المنتدى اضغط هنا | راديو نجوم FM أضغط هنـا |
 |
| | LinkBack | أدوات الموضوع | طرق مشاهدة الموضوع |
05-19-2008, 08:42 PM
| ||||
| ||||
 تم افتتاح قناه قهوه المصريين الفضائيه,,,ارجو التثبيت  ساااا الخير عليكم اليوم فشره خفيفة جدا جدا يجى كيلو ونص كدا .ويا رب تستحملونا وتتصدعوا معانا  !!!نبتدى الفشره باحوال الجو  الطقس مائل للحراره ليلا شديد البروده نهارا (هتقولوا ازاى هقولكم هو كدا اللى عندى  ) على جميع المدن والبلاد المجاوره والبلاد المجاورة للمجاورة من الاخر على العالم كله وننكل على طول باخبار حول العالم نبتدى بالعواصم للدول الكبيرة دولة قهوه المصريين مدينه النكاش الحاد  تعلم كيف تناكش النكاش الحاد حول القضايا العصريا شعارنا (ناكش وتعور  ولا للحوار ومشاكل الاسعار)وسوف يتم عقد حمله اعلاميه تسوقها نخُبه من اكبر مصففى الريش لعدم الحوار والحرص التام على ايجادتنا للخناق يلا جميعاً نتحد لنكون مستقبل اعور مدينه الطرائف  وما زال الضحك مستمر ولكن من الملاحظ يا اخوانى ان الضحك يوقف القلب فهيا ندعو لمؤتمر النكد العالمى  وفى انتظار الفآز بالمسابقة اللى هينكد علينا الدهر كله  مدينه التكريم وقد اختفى صاحب الموضوع فى ظروف غامضه  والسؤال الذى يرمى نفسه هل اسرائيل لها يد فى ذلك؟؟؟  وباقى المدن فى الفشره الجايه ان شاء الله والى هنا ساداتى انساتى قد انتهينا من تقديم الذره والفشره بعد قليل كان معكم المزيع mimo abbas من امام بيت قهوه المصريين مع تحياط صاحب القناه اشوفكم بعد قليل  (تنويم) مطلوب مقدمين برامج من جميع الاجناس يتم استقبال الطلابات على بريد صاحب القناهيتبـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــع مع الاعلان   |
| رعاة رسميين |
|
05-19-2008, 08:46 PM
| رقم المشاركة : [2 (permalink)] |
| مشرف قسم الاغانى الاجنبة       |  وياريت ياجماعه اللى عايز ينضم فعلا يبعت السى فى لى على رساله خاصه مش فى الموضوع هنا واى اقتراح للقناه انا موجود وسوف يتم الاعلان عن المذيعين بعد مراجعه الطلبات نتمى لكم حسن الاستمتاع والتصديع  انزل بتتر الاعلان لكل داء دواء بشرى لمرضى السكر الدواء السحري شوجر شوجر (على اساس ان ترجمة مرض السكر بالانجليزي شوجر مش دايابيتس) شوجر يقضي على جميع سكرياتك و سكريات الناس اللي جنبك ثبتت فاعليته في معامل المانيا للحلويات و منتجات الطاقه حتى لو البانكرياس بتاعك منتهي و تم تدميره.... شوجر يقضي على مرض السكر لديك حتى لو معندكش بانكرياس اصلا جربوا و شوفوا و ده حوار مع احد مرضى السكر سابقا و شوفوا بيقول ايه بعد ما خد حباية شوجر... المريض سابقا يتكلم و هو ممسك بعلبة شوجر.... (الحمدلله انا كان عندي سكر و ضغط و مراتيزم و بعد ما خدت حباية شوجر دلوقتي انا بطل الجمهوريه في الملاكمه وزن خفيف تقيل) لو عايز تبقى بطل زيه استعمل شوجر ملحوظه... لو معنكش سكر يمكنك استعمال شوجر للوقايه من الاصابة بالسكر يبقى نقول ايه نختم بيه الاعلان؟؟؟ عندك سكر معندكش سكر لازم تشتري شوجر يا سكر والى اللقاء مع اعلان دواء بيبي للمحرومين من الخلفه يتبـــــــــــــــــــــــــــــع بعد الفاصل |
| | |
| |
|
05-20-2008, 12:25 AM
| رقم المشاركة : [6 (permalink)] |
| مشرف قسم الاغانى الاجنبة | تسر قناه قهوه المصريين عن عرضها الاول برنامج اللبخ مع المزيعه اللمعه لبوخة الملبوخة   اهلن بيكن اهلن بيكن الكناة منورة بيكن النهرده هنعملكن اكلة جميلة قوي وهتعجبكن المكادير حمامة بريشها وقرنب وشوية فلفل ومنح الوصفة ها نقلب الحمامه نخلي راسها لتحت خلي بالكن وبعدين هنكطع القرنب ونحشي الجناحات بتاعت الحمامة وخلي بالكن لتموت ولا تتخنئ احسن اكل الميت حرام انا قلت اهو وفهمتكن مالكونش حكة وفي الاخر ترشم شوية الفلفل والمنح ومنكن نقدم عيش محروق جمب الحمام  وادي صورة الاكلة ايه رأيكن  وبالهنه والشفه  لبوخة الملبوخة |
| | |
|
| |
|
05-20-2008, 12:29 AM
| رقم المشاركة : [7 (permalink)] |
| مشرف قسم الاغانى الاجنبة | بــــــــــــرنامج توب سنج صدعنا ياكنج وراء الكواليس كمبوشا (المختص بالاعداد) ميسا الحزيزة (المذيعه) كمبوشا : ياهلا بالمذيعه المتألقه  ميسا: مرسى ياكمبوشا بجد بتحرجنى بكلامك  كمبوشا: ها يامتألقه جاهزة للحلقه  ميسا: ايوة تبعا هات الحلقه عشان نبدأ هو الضيف وصل؟؟ كمبوشا :طبعا ومنتظر فى الاستوديو المخرج: يلا هنبدأ ثرى تو وان أكشششششششششششششششششششن ميسا: هاى عليكم ياجماعه  انا اليوم هقدم حلقه غير عاديه مع ضيف غير عادى موضوع الحلقه اليوم عن الموسيقى الكلاسيكيه ومعنا الضيف اللمع (وهنا نظرت ميسا فى الورق ) اوس....اوس....اوستاذ شامغ (شامغ الله يخربيتك ياكمبوشا بخطك العفش ده  )الضيف: شامخ حضرتك مش شامغ ميسا : آه معلش الاستاذ شامخ عاشق للموسيقى الكلاسيكيه متخرج من كليه الطب قسم تش.....تش....تش....(يخربيتك ياكمبوشا ايه القسم ده) آه قسم تشريخالضيف: تشريح حضرتك تشرييييييييييييييييح  ميسا: خلاص خلاص معلش قريت غلط اعذورنى ....المهم حضرتك بما انك عاشق للموسيقى ياترى درست الموسيقىالضيف: الصراحه لأ  ميسا: يبقى اكيد هاويها....حضرتك بتألف الضيف: لأ ميسا:  مش مشكله يبقى اكيد بتعزفالضيف: لأ ميسا : يبقى اكيد اكيد بتغنى  الضيف : امممم ...برضه لأ  ميسا : اومال حضرتك بتعمل ايه بالضبط  الضيف:سميع حضرتك  ....بحب اسمع النغم الاصيل والموسيقى الكلاسيكيه الرائعهميسا :طيب معنا تليفون ونقول ألوووووالمتصل: ازيك ياميسا انا بجد بموت فى البرنامج وبجد بتعجبنى قوى قصات شعرك والميك اب بتاعك ميسا: شكرا شكرا  ....ممكن تعرفينى بنفسكالمتصل: انا ريتا من لبنان ميسا: اهلا بيكى وبااهل لبنان كلهم المتصل: لا انا من مصر ياميسا ميسا:  مصر ؟!!........اهلا بيكى وبااهل مصر المتصل : ممكن اكلم عاشق الموسيقى الضيف: اهلا ياريتا اتفضلى طبعا المتصل: بما انك بتعشق الموسيقى الكلاسيكيه اكيد تعرف بتهوفين الضيف: (بيت هو فين ؟؟!!!) حضرتك انا مش شيخ حاره انا دكتور ممكن تسألى الدليل وتقوليله بيت هو فين ..ميسا: بجد يااستاذ شامخ دمه شربات وعليك تعليقات جباره (ميسا بتشاور لقطع الاتصال) تووووت تووووووووت  ميسا: من الواضح ان الاتصال اتقطع ياريت ريتا تحاول تكلمنا تانى ....ومعنا اتصال تانى ونقول ألووووالمتصل: معكى تامر حسنى بس مش المطرب ههههههههه  ميسا:  ههههه اهلا بيك ياتامر بتكلمنا منينالمتصل: من سوريا ...عايز اسأل الاستاذ شامخ يعرف ايه عن يوهان سباستيان باخ ؟ الضيف : (باخ  يكون قصده عم باخ اللى فيلم اللمبى ماعلينا) حضرتك باخ ده ممثل عبقرى اسمه الحقيقه حسن حسنى وليه اعمال فنيه...تقطعه ميسا بغضب  ميسا: باخ ممثل وكمان حسن حسنى  ايه فيلم اللمبى اللى انت عايش فيه ده ... يوهان سباستيان باخ مؤلف موسيقي وعازف أورغن ألماني، يعتبر أحد أكبر عباقرة الموسيقى الكلاسيكية في التاريخ الغربي.  وبتقول انك دكتور وعاشق موسيقي .....انت بتسمع لمين بالضبط ؟الضيف: للمطرب المبجل عماد بعرور ونابغه الغناء شعبان عبد الرحيم (ميسا شعرها وقف وعينها احمرت وانيابها طلعت وقلبت شلبيه المفتريه  )راحت رميا الورق من ايدها ومسكت فى رقبه الضيف  المخرج: استوووووووووووووووووب  كمبوشا بنظرة انتصار  : ميسا ايه اللى بتعمليه ده ....ياجماعه حد يتصل بالعباسيه ميسا اتجننتوبعد هذه الحلقه جاءتنا الاخبار بأن ميسا هربت بره مصر وجابه بدلها المذيعه الانيل قصدى الاشهر طفشانه وده بعد الكلمه الشهيره اللى قالها كمبوشا للمخرج ( بلاها هاله هات إيناس) ونعود لباقى فقرتنا بعد الفاصــــليتبـــــــــــــــــــــــــــــــــــــــع ونعود لباقى فقرتنا بعد الفاصــــل يتبـــــــــــــــــــــــــــــــــــــــع |
| | |
|
| |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
العرض العادي
