|
|---|
|
| الإبلاغ عن روابط لا تعمل أضغـط هنــا |
 |
| | LinkBack | أدوات الموضوع | طرق مشاهدة الموضوع |
06-13-2008, 12:06 PM
| #1 (permalink) |
| مشرفة الفسم الادبى   |  حدوته بيبى صغنون       أنا اسمى توتو .. توتو هو اسم الدلع بتاعى .. ماما سمتنى كده عشان مش بتحب اسم توفيق .. بابا سمانى على اسم جدو وماما بتقول ان الاسم كبير عليا وانا صغير .. انا مش بحب توفيق ولا بحب توتو انا عايز اسمى يبقى جيرى زى الفار اللى بييجى فى الصندوق الصغير وبيضرب القطة الكبيرة .. عايزين تعرفوا عمرى قد ايه .. انا مش باعرف اعد لسه بس من كام يوم كده عملولى حاجة اسمها عيد ميلاد وجابوا حاجة مدورة اسمها تورته وقعدوا يغنوا وجت عيلتى كلها تبوسنى وتقولى كل سنة وانت طيب يا توتو .. المهم انهم كلوا التورته لوحدهم قال انا لسه صغير ومينفعش آكل منها .. مع ان شكلها كان حلو اوى..  بابا وماما بيحبونى خالص ويقعدوا يلعبوا معايا بس ما بيتكلموش معايا زى الكبار .. صحيح انا مش باعرف اتكلم كويس لسه بس أنا بافهم هما بيقولوا ايه وباتغاظ منهم لما يلاعبونى بالشخشيخة واللعب الصغيرة .. ليه ما يتكلموش معايا.. بابا على طول بيتفرج على الحاجات اللى بتييجى فى الصندوق الصغير العجيب ده فيه كل حاجة بس ليه مش عارف بابا حابسهم فى الصندوق .. كمان ماما على طول ماسكة حاجة كده ليها ديل طويل وتقعد تكلم نفسها .. حتى القطة الكبيرة بتاعتنا على طول نايمة كل ما اجى العب معاها واشد ديلها تفتح عنيها شوية وترجع تنام تانى .. محدش بيتكلم معايا مفيش غير انى اعيط واصرخ عشان يعرفوا انى موجود..  وكمان لما باخرج معاهم بيحطونى فى العربية الصغيرة ويمشوا يتكلموا مع بعض ولا يسألوا فيا .. بس انا باتفرج ع الناس الكتير وكمان باشوف أطفال صغيرين زيى اللى راكب عربية واللى حاطينه فى شنطة .. تصوروا حاطين النونو فى شنطة .. ايوة هو نونو عشان لسه صغير وانا اكبر منه ومحدش بيقولى يا نونو ده مرة كنت فى الجنينة وكان فيه ناس جنبنا معاهم شنطة .. قصدى نونو وبعدين وهما ماشيين نسيوا الشنطة قصدى نسيوا النونو .. ما هما لو كانوا شيلينه معاهم ماكنوش نسيوه لوحده .. كويس انى باركب عربيه احسن ما كانوا يحطونى فى شنطة زى الخضار اللى بتشتريه ماما..  انا بحب نينة اوى كل ما تيجى تجبلى شيكولاته وحاجات حلوة كتير .. صحيح هى بتاكلها من ورا ماما .. هى تقولها انا جايبة الحاجات دى لتوتو .. وتوتو بعد كده يمص صوابعه .. يلا بالهنا يا نينة كفاية اللعب الحلوة اللى بتجيبهالى .. هى برضه بتقعد تلعب بيها .. اظاهر ان نينة ماعاشتش طفولتها .. هى بس ناقص تلبس البامبرز بتاعى بس ما يتهيأليش ييجى مقاسها..  كمان انا بحب جدو اوى .. جدو بيعاملنى على انى كبير .. بيشتريلى كتب ملونة ومجلات حلوة .. ويقعد معايا صحيح هو يقعد يضحك من غير ما يقولى على حاجة اظاهر كمان جدو ما كنش عايش طفولته ده انا حتى مرة شوفته بياكل من الريرى بتاعى .. بس يلا مش مهم انا بحب جدو.. كمان بحب خالتو شوشو أوى هى اسمها شكرية هى برضه مش بتحب اسم شكرية وبيدلعوها يقولولها شوشو .. آهو كويس عشان ما بقاش لوحدى اللى اسمى توتو .. شوشو بتحب تلعب معايا وكل ما تشوفنى تهرينى بوس .. بابقى شبه الأراجوز من الألوان الحمرا اللى بتحطها فى بقها .. وبعدين تقعد تتكلم مع ماما .. حتى انتى يا شوشو ما بتتكلميش معايا ..  اللى بحبه كتير هو عمو مصطفى هو مرة جابلى عربية صغيرة كنت فرحان قوى وبركبها وهى بتمشى لوحدها صحيح من ساعة ما جبهالى مبقاش فيه ولا فازة فى البيت وماما كانت زعلانة أوى وساعات بتخبى العربية منى .. المهم عمو مصطفى بييجى ومعاه بنته كاريمان هى أصغر منى شوية وملهاش اسم دلع .. عمو مصطفى بينادلها باسمها كله مع انه كبير عليها .. بس انا سمتها كوكو ..انا بحب العب مع كوكو بس هى على طول بتعيط لما العب معاها .. آخر مرة عمو مصطفى زعل أوى وحلف انه ميجبش كوكو عندنا تانى .. فيها ايه يعنى لما آكلتها أكل بوسى .. بوسى دى تبقى قطتى . أنا باشوف ماما لما يجيلها ضيوف بتقدملهم أكل .. يعنى الحق عليا انى باعمل مع كوكو واجب.. وأحلى واااجب ..  احكيلكوا على بابا شوية .. أنا باشوفه مرتين فى اليوم مرة لما بيرجع من الشغل ييجى يبوسنى ويقولى ازيك يا توفيق هو مش بيقولى توتو .. ومرة بالليل بس اكتر الوقت باكون نايم . بس مرة كان بابا جه بالليل وهو بيبوسنى صحيت من النوم .. كنت مبسوط انى شفته وعملتله هيصة كبيرة .. وطبعا ماما صحيت من النوم وزعقت مع بابا عشان كان جاى متأخر ... والله ما كنش قصدى .. بس بابا مش زعلان منى .. أنا نفسى أكبر بسرعة .. واتكلم مع ماما وبابا وجدو ونينة وخالتو شوشو وعمو مصطفى .. انا بحب عيلتى كلها وهم كمان بيحبونى خالص .. عجبتكو حكايتي ..  مش مهم اصل انا صغنن ومش بعرف احكي  م ن ق و ل
__________________ لازم كلنا نشارك علشان دى  قصتنــــــــا كلنــــــــــا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] مشرفه القسم الأدبى أندش
|
| المشاهدات:247* مشاركات:7  |
|
06-14-2008, 04:47 PM
| #4 (permalink) |
| مشرفة الفسم الادبى |  هههههههههه عقبالكوا يارب لما تجيبوا توتوهات صغننه نلعب بيها كده ميرسى يا بنات يا قمرات
__________________ لازم كلنا نشارك علشان دى قصتنــــــــا كلنــــــــــا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] مشرفه القسم الأدبى أندش
|
|
| |
|
07-02-2008, 05:25 PM
| #6 (permalink) |
| مشرفة الفسم الادبى | ميلسى يا هيرووووو بتحرجنى بذوئك وميلسى يا توتو
__________________ لازم كلنا نشارك علشان دى قصتنــــــــا كلنــــــــــا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] مشرفه القسم الأدبى أندش
|
|
| |
|
08-03-2008, 10:03 PM
| #8 (permalink) |
| مشرفة الفسم الادبى | انا عثل انا ؟؟؟ يا كثووووووووووفى ميرسى يا سندريلا يا قمره
__________________ لازم كلنا نشارك علشان دى قصتنــــــــا كلنــــــــــا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] مشرفه القسم الأدبى أندش
|
|
| |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
العرض العادي
