| التسجيل | التعليمات | قائمه الاعضاء | التقويم | البحث | مشاركات اليوم | اجعل كافة المشاركات مقروءة |
| ||||||||
| ||||||||
| |||||||
| الإبلاغ عن روابط لا تعمل أضغـط هنــا | لكى تصبح مشرفا فى المنتدى اضغط هنا | راديو نجوم FM أضغط هنـا |
 |
| | LinkBack | أدوات الموضوع | طرق مشاهدة الموضوع |
06-21-2008, 11:30 PM
| ||||
| ||||
 اين من عينى ... حبيب اين من عيني ... حبيب؟ في الفترة الأخيرة تناولت العديد من اقلام النقد موقع الرجل من الإعراب في حياة مجتمعنا الشرقي فمنهم من قال .... معدش فيها رجاله و منهم من قال ... الرجاله ماتوا في 73 و في مقولة اخرى ... الرجل المطلوب مرفوع مؤقتاً من الخدمه و أخيراً .... الرجل العربي غير متاح حالياً و لكن انا اقول .. هذا المطلع الرائع من قصيدة الأطلال اين من عيني حبيب .. ساحرُ .. فيه عزُُُ و جلالُُُُُُ و حياء مسرحيه... حياتنا مجرّد مسرحيه ... كل واحد فيها بيلعب دور محدد في وقت محدد و بعدين مع الأيام و السنيين عملنا خروج عن النص كتير... ايه اللى كان منتظر من الرجل اللى بيلعب دور البطوله في المسرحيه غير انه يقلّص دورة امامنا و يختزل العديد من المشاهد الحواريه عشان تنتهي المسرحيه في الوقت المحدد لها ؟!؟ مع الأيام... ظهر جيل جديد ... مش شايف الرجوله بتلعب دور البطوله في حياتنا ... و مش عارف اكتر و لا ابعد من اللى شافه ...و مهما بيجتهد بيفشل ...او على الأقل بيعجز عن النجاح كما يجب لا الراجل في زماننا بقى عارف يبقى راجل و لا الست بقت عارفه تبقى ست و لا حتى الأطفال قادرين يبقوا اطفال ... لخبطه على الاخر لحد ما المسرحيه باظت و باخت عشان كده انا ضد فكرة اللوم على الرجل وحده و التجريح فيه ... احنا كلّنا مسؤلين عن الغلطه دي ... و كلنا لازم نصلحها عشان يرجع الرجل يلعب درو البطوله على مسرح حياتنا من جديد و من غير كلام كتير ...بقول لكل راجل في الدنيا بإسم كل المخلوقات بجد محتاجين لك احتياج الأرض لخلافة آدم عليه السلام فطرة الله التى فطرنا عليها مجتمعك محتاج لك انسان ايجابي ، شجاع ، عظيم في علمك و عملك و كل ما تقوم به رغم كل المعوقات ، فايق و مصصح .. متخافش مش حتموت من الإيجابيه والدك و والدتك محتاجين لك تكون فرحة ايامهم و حصاد عمرهم و عصا المشيب .... متخافش مش حتخش النار لو ريحت اهلك و احسنت معاملتهم زوجتك و اولادك محتاجين لك تكون القدوة و البهجه و الجناح اللى بيحاجي و يضم و يحمي و يسمع و يربي ... لمستك و الله حتى في امور المنزل اللى بتخص النساء زي الطبيخ مثلاً ليها دايماً في حياتهم طعم جميل و وجودك بينهم دايماً ليه مذاق مختلف حبيبتك و خطيبتك و شريكة عمرك القادم محتاجالك قلب كبير و عقل كبير ..تستحمل دلعها و ترحم ضعفها و تستوعب مخاوفها تكون عينها اللى بتشوف بيها المستقبل و تاخد بإيدها للطريق الصحيح ، تعلمها و تصبر عليها و تسامحها ، تفهمها و تفهّمها بجد محتاجين لك ... يا ترى في امل ؟!!!؟؟؟؟ و اختتم مقالى بتكملة تلك الأبيات الرائعه من الأطلال ...للشاعر ابراهيم ناجي هو صحيح كتب تلك الأبيات في محبوبته و لكنى اراها معزوفة حب مزدوجه فالحبيبة ايضاً تنشدها في محبوبها و الحبيبة في نظري هي البلد و الأم و الأب و الزوجه و الحبيبه و الإبن امّا المحبوب الذي تنتظرة و تحتاجه و تناديه ليأخذ بيدها لبر أمان هو الرجل اين من عيني حبيب ...ساحرُ ... فيه عزُ و جلال و حياء واثق الخطوة ...يمشي ملكاً ظالم الحُسن...شجي الكبرياء عبق السحر ...كأنفاس الرُبي ساهر الطرف ...كأحلام المساء مشرق الطلعة في منطقهِ ...لغةُ النورِ و تعبير السماء شكراً منار عقل  |
| رعاة رسميين |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
العرض العادي
