كلنا بيجيلنا وقت بنكون نفسنا نتكلم مع حد

نقول بس على اللى جوانا مش مهم يسمعنا ..لا مهم

مش مهم يفهمنا ..لا مهم

هنا هتقول كل اللى عوزه وهنرد عليك كلنا

ارجو التعاون

من مواضيع LighT NighT في المنتدى

0 نفسك تفضفض ....
0 (وما يذكر الا اولوا الالباب)
0 صمتا .......

هاله

فكره لطيفه اوى بس ما افتكرش ان الكل هيعجب بيها لان فى ناس كتومه مش بتحب تتكلم ومش بتحب تحكى مع احد بس الفكره عجبانى اوى مرسيى ليه ياجميل

mody_314

شكرا ليكي فكره جميله

التوقيع:

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
If you don't know where you are going, you'll end up someplace else

LighT NighT

طيب ابتدى انا

مشكلتى الوحيده فى الدنيا دى فعلا فعلا

التعامل مع اهلى ويمكن سبب اللى انا فيه ديما ان حاسه بفرق رهيب بين معاملتهم ليه زماااااااااااااااان ومعاملتهم دلوقتى

انا عارفه ان العيشه صعبه وان هم بيشقوا علشان يوفروا لينا حياه مريحه

بس فين الراحه واحنا كل واحد عايش فى وادى واصبح التفاهم بينا يكاد يكون منعدم

والصوت العالى بقى اريح حاجه يقدر كل واحد ينفس عن غضبه بيها

اخواتى كلهم صبيان وكبار ومش بيتعاملوا الا بالصوت العالى وانا بكرهه جدا

ده غير ان امى بقت عصبيه جدا ....وبابا يمكن هو الوحيد المتفافهم وان كان قليل التعامل

الصراحه احنا عمرنا ما كنا كده كنا زمان فعلا عيله واحده ملوموين على سفره واحده كل واحد بيحكى مشكلته بنقشها بالراحه

رغم ان حياتنا زمان كانت ظروفها صعبه شويه ..الا ان بابا كان بيهتم جدا يفسحنا ويخرجنا ..وماما كانت بير اسرارنا كلنا ادق التفاصيل سواء عاطفيه او غيرها عارفاها

كل ده انا افتقدته فعلا

ومش عارفه اتصرف ازاى

مع انى حاولت كتير كنت بحوش من مصروفى علشان اجيب لهم هدايا فى اى مناسبه ومن غير مناسبه ..المهم احسسهم بقيمه البنى ادم لما يحب اخوه

mody_314

السلام عليكم و رحمه الله و بركاته
انا قرأت المشكله و احب اني اقدملك نصيحه يمكن تساعدك
اولا انا حاسس من اسلوبك في الكتابه و في كلماتك حب شديد لأهلك و خوف عليهم و ده المنطلق اللي هكلمك منه او بدايه حل المشكله كتير من الوقت بنحس ان مفيش اهتمام بينا او بمشاكلنا او اهتمامتنا بس انا حاسس انك اكيد في سن المراهقه يعني سنك من 14 الي 19 سنه و في الفتره ديه الواحد بيتغير و اهتماماته بتتغير و افكاره يمكن الحاجات اللي كانت بتيسطك زمان مبقتش بتدي نفس التأثر و يمكن بالفعل اهلك اهتمامهم مبقاش واضح بس لازم تتأكدي ان الاهتمام موجود لازم تتأكدي ان والدك و هو صاحي الصبح و رايح شغله اهمامه الاول و الاخير هو توفير طلابتكم و كل حاجه ليكوا اذا هو في كل لحظه مهتم بيكم
ارجوا منك انك متماريش اي نوع من الضغوط علي اهلك
و تتأكدي من حبهم ليكم انتي و اخوتك
و حاولي تستمري في عاتك تقديم هدايا ليهم
ارجوا اني اكون ساعت بجزء بسيط في المشكله
شكرا

التوقيع:

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
If you don't know where you are going, you'll end up someplace else

LighT NighT

انا فعلا بشكرك على ردك على المشكله

SheboOo

انا قريت هقول الرسالة وليست بالمشكله بتاعتك لانها موضوع شبه عادى بيحصل كتيير لكل الأسر والحمد لله تأثيره مبيستمرش كتيير... واسمحيلى اقول رأيى اللى ممكن يساهم ولو بجزء بسيط فى حل موضوعك...
1- اولا لازم توثقكى علاقتك بربنا اكتر... الصلاة اهم حاجة... قراءة القرآن... الموضوع ده والله غايب عن ناس كتيير بس والله له تأثير كبير على الانسان... لو صفحة كل يوم قريتيها ومش هتاخد وقت هتحسى براحة كبيره اوى.
2- الفضفضة مع الوالدين وبالذات الأب.. احكيله عن كل اللى انتى مفتقداه... فكريه ان اهم حاجه تحسى منه بالحب الحقيقى.. بالعلاقة الوثيقه بينه وبينك كأب لبنته... عرفيه ان اهم حاجه بالنسبالك وجوده جنبك... مش بالفلوس ولا الخروجات ولا الفسح بس هيقدر يسعدك.
3- حاولى تتجنبى المشاكل مع اخواتك الولاد ... واستمرى على تقديم الهدايا ولو الرمزيه عشان دى بتسيب أثر جميل فى نفسهم وبتحسسهم ان فى اخت حنينه عليهم.. وفى واحده هما مش واخدين بالهم بوجودها جنبيهم.... ولو عندك صور قديمه ليكى وانتى متصوره معاهم.. هاتيها ووريهالهم وفكريهم بالأيام الجميله بتاعة زمان... وقد ايه انتوا كنتوا فعلا عيلة واحده .
افتكرى دايما بيت الشعر:
ضاقت فلما استحكمت حلقاتها فرجت وكنت أظنها لا تفرج
وبعتذر عن الاطاله وربنا ان شاء الله يصلح جميع امورك...

التوقيع:

ها انا ملك يديك اثيرا والقلب يدمى من سحر عينيك

فلتداوى جرحى ولترفقى الى ان اجد الرفق لديك

فلترفقى ولكن لا تطلقى سراحى

فما اجمل الأثر مع سحر شفتيك

LighT NighT

mode

يا جماعة الفكرة زى الفل بس الناس ما بيمارسوهاش ابدااا

love.a

انا اتخطبت تلات مرات وحبيت مرة واحدة بس (خطيبى التالت) كنت بتمنى اعيش عمرى كله معاة شفت الدنيا بعين تانيه خالص اتغيرت كتير عشانه للاحسن طبعا كان صاحب اخواتى فلما عرفوا اننا بنكلم بعض قطعوا صلتهم بيه عاملوه اسوا معامله بس كان دايما بيفترض اسوا الظروف ويقولى انه هيستحمل عشانى وكنا عرفين ان اخويا مش ممكن يكلمه غير لما يهدا مع مرور الوقت لانى عارفاه عندى شويه بس اتدخل ابن عم خطيبى فى الموضوع وبدايهدى النفوس بس بطريقته وطبعا بدل مايوقفة عند حدة بقى بيسمعلة ويصدق كلامه حتى لو مش صح مع ان مامته واخوه قالولوا ان عمه ومراته وولادة مش بيتدخلوا غير فى المصايب بس بقى يسمعلهم لغايه مابقى مش طايق حتى نفسه اتغير 180درجه مبقاش كريم اللى بيحبنى ويخاف عليا وقالى ان حبنا اصبح اكبر غلطه غلطها فى حياته وفسخنا الخطوبه وطبعا بقى فى نظر اهلى واهله عيل معندوش اى احساس بالمسئوليه ودلوقتى انا مش قادرة اعيش من غيرة لانى بجد حبيته جدا ومامته بتحبنى جدا زى مانا بحبها بالظبط واخوه بردة بيحترمنى وبحترمه وبكلمهم باستمرار ولغايه دلوقتى مش عايز يسمع لحد وشايف نفسه صح وانا غلط انى كلمته بس هو اللى بدا وغلط بردة انى بعتله رسايل مع انه كان بيبعت 5 كنت ابعت1 وكنت بكتبهم فى اجندة وامسحهم لانى عارفه انه مع اخواتى على طول ليه هو ممسحش الرسايل ليه هو شايف نفسه صح وانا غلط هوانا غلط لما حبيته؟ مش عارفه اعمل ايه خسرت اخواتى ودراستى ضيعت منها سنه بسببه ومقدرش انى ضحيت عشانه وبردة انا الغلطانه فى نظره وحبنا فى نظرة غلطة وصلحها ببعدة