|
|---|
|
| الإبلاغ عن روابط لا تعمل أضغـط هنــا |
 |
| | LinkBack | أدوات الموضوع | طرق مشاهدة الموضوع |
10-11-2008, 02:22 AM
| #1 (permalink) |
| مشرف منتدى الحوار العام   |  جاهين علي اسم مصر       على اسم مصر التاريخ يقدر يقول ما شاء أنا مصر عندي أحب وأجمل الأشياء باحبها وهي مالكه الأرض شرق وغرب وباحبها وهي مرميه جريحة حرب باحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلقيني جنبها في الكرب والنبض ينفض عروقي بألف نغمة وضرب على اسم مصر النسيم في الليالي وبياعين الفل ومرايه بهتانة ع القهوة .. أزورها .. واطل القى النديم طل من مطرح منا طليت والقاها برواز معلق عندنا في البيت فيه القمر مصطفى كامل حبيب الكل المصري باشا بشواربه اللي ما عرفوا الذل ومصر فوق في الفراندة واسمها جولييت ولما جيت بعد روميو بربع قرن بكيت ومسحت دموعي في كمي ومن ساعتها وعيت ***** مصر السما الفزدقي وعصافير معدية والقلة مملية ع الشباك .. مندية والجد قاعد مربع يقرا في الجرنال الكاتب المصري ذاته مندمج في مقال ومصر قدامه اكتر كلمة مقرية قريتها من قبل ما اكتب اسمي بإيديا ورسمتها في الخيال على أبدع الأشكال ونزلت أيام صبايا طفت كل مجال زي المنادي وفؤادي يرتجف بجلال ******** مصر .. التلات أحرف الساكنة اللي شاحنة ضجيج زوم الهوا وطقش موج البحر لما يهيج وعجيج حوافر خيول بتجر زغروطة حزمة نغم صعب داخلة مسامعي مقروطة في مسامي مضغوطه مع دمي لها تعاريج ترع وقنوات سقت من جسمي كل نسيج وجميع خيوط النسيج على نبرة مربوطة اسمعها مهموسة والا اسمعها مشخوطه شبكة رادار قلبي جوه ضلوعي مضبوطة على اسم مصر
__________________ [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] If you don't know where you are going, you'll end up someplace else
|
| المشاهدات:33* مشاركات:4  |
|
10-14-2008, 04:28 AM
| #4 (permalink) |
| مشرف منتدى الحوار العام | شكرا يا وائل و شكرا يا نوري بس بجد مكنش بايدي القتره اللي فاتت شكرا علي السؤال
__________________ [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] If you don't know where you are going, you'll end up someplace else
|
|
| |
|
10-14-2008, 05:04 AM
| #5 (permalink) | |
| عضو مميز  | اقتباس:
بجد الكلام كله احلى من بعضه عن حبيبتى اللى مهما كتبت عنها موفيهاش حقها باحبها بعنف وبرقة وعلى استحياء يا رب اقدر فى يوم اعمل لها حاجة يا بلدى يا مصر يا ام الدنيا شكرا يا مودى على انك لعبت على مشاعر واوتار القلوب بالكلام الجميل لجاهين انا اخدت نسخة على اward علشان اقراها على طول الف الف شكر ليك ولزوقك الرفيع الجميل يا ريت كل الشباب يفهموا الكلام ده ويحسوه يا ريت 
__________________ 
التعديل الأخير تم بواسطة : jeliane بتاريخ 10-14-2008 الساعة 05:09 AM. | |
|
| |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
العرض العادي
